O idioma galego esmorece entre a mocidade e cómpre preguntarse por que. «Lingua, poder e adolescencia» quere contribuír a desvelar as causas do declive. Este libro de Miguel Rodríg...
Leer descripción completa
24,95€
Disponibilidad alta
Información
Descripción
O idioma galego esmorece entre a mocidade e cómpre preguntarse por que. «Lingua, poder e adolescencia» quere contribuír a desvelar as causas do declive. Este libro de Miguel Rodríguez Carnota, que parte dunha tese doutoral co mesmo título, é un estudo da biografía lingüística de dez rapazas e rapaces galegofalantes no medio lingüisticamente hostil dunha vila e un instituto do noso país. Os seus relatos, radiografados a través de técnicas de análise do discurso, sitúannos enteiramente fóra do paradigma oficial do «bilingüismo harmónico». Hai ataques, padecementos, renuncias, resistencias, pequenos triunfos e amargas derrotas onde o que menos abonda é a «cordialidade lingüística» que habitualmente se proclama como emblema de Galicia. É dicir, na práctica existe unha incomprensible oposición a querer facer do galego unha lingua tan normal coma calquera outra.
Miguel Rodríguez Carnota (A Coruña, 1959) foi mestre e profesor de instituto durante trinta e sete cursos escolares. É licenciado en Filosofía e Ciencias da Educación pola UNED e Master of Arts in Education (Applied Linguistics) pola Open University. En 2020 doutorouse na UDC coa tese que ten por título «Lingua, poder e adolescencia no proceso de substitución lingüística. Análise crítica do discurso nun centro de ensino secundario dunha vila galega», traballo que serve de base para este libro. Durante a súa estadía no instituto impartiu lingua inglesa en primeiro e segundo de ESO, foi promotor e coordinador de varios proxectos europeos Sócrates, Comenius e Erasmus e ocupou a responsabilidade do Equipo de Normalización Lingüística (EDLG). Na actualidade é presidente da Asociación Cultural Roxín Roxal (roxinroxal.gal), entidade radicada na comarca das Mariñas coruñesas. Tamén é colaborador habitual do dixital «Terra e Tempo» (terraetempo.gal), onde adoita publicar os seus artigos.
Esta web utiliza cookies propias y de terceros para mejorar nuestros servicios mediante el análisis de sus hábitos de navegación. Puede obtener más información aquí o cambiar la configuración.
Opiniones
Opiniones
No hay comentarios, sé el primero en comentarValoración media
¿Has leído este libro?
Valóralo y comparte tu opinión con otros usuarios
Escribir mi opinión