Letramola é un proxecto didáctico destinado á Educación Infantil. Consta de sete cadernos e o seu obxectivo é iniciar os alumnos no proceso gradual da aprendizaxe da lectoescritura.
Tres personaxes, a fada Lila, a fada Bufina e o mago Bieito, encárganse de presentar, por medio da linguaxe narrativa, cada un dos fonemas e letras que se van traballando nos cadernos.
O tratamento de cada fonema iníciase con recoñecemento do son e a súa representación gráfica en minúscula e en maiúscula, para favorecer, respectivamente, a discriminación auditiva e visual. O método didáctico utilizado presenta unha secuenciación progresiva dos contidos: pásame do fonema á letra, da letra ás sílabas e destas ás palabras, ás frases e a diversos textos. Por outra banda, sempre que se introduce unha nova letra, repásanse as estudadas anteriormente. Deste xeito, os alumnos relacionan os novos contidos cos xa aprendidos.
No caderno 4 trabállanse as consoantes c, b, v e f, e o grupo qu. Introdúcese cada letra partindo dun conto ou dunha pequena historia narrada en viñetas, onde a bruxa Bufina e o mago Bieito son os protagonistas.
A complexidade das actividades vai aumentando progresivamente, tendo en conta que o profesorado pode ofrecer as axudas necesarias a aqueles alumnos ou alumnas que o precisen. Terán que completar frases coas palabras que lles falten, ler frases sinxelas relacionándoas co debuxo que lles corresponda, etcétera. Tamén se propoñen actividades máis lúdicas, tales como encrucillados, sopas de letras, frases con pictogramas...
Utilízanse diferentes tipos de texto (contos, poemas, pés de viñeta, trabalinguas, xogos...) e inclúese unha folla de recortables (fotografías, debuxos e palabras), necesarios para a realización dalgunhas fichas.
En cada ficha propóñense, ademais das individuais, outras actividades previas que pretenden axudarlles aos alumnos a comprender e a realizar axeitadamente a tarefa que se lles pide, e a iniciárense no coñecemento das primeiras nocións gramaticais.
Para rematar, faise unha avaliación das consoantes e dos contidos desenvolvidos neste caderno.
Leer todo
Leer menos
Opiniones
Opiniones
No hay comentarios, sé el primero en comentarValoración media
¿Has leído este libro?
Valóralo y comparte tu opinión con otros usuarios
Escribir mi opinión